Enrique Macías, portavoz do colectivo +IDEAS, condenou o asalto dos estudantes, do que responsabilizou "a persoas radicais, con moi pouca influencia na USC" e cre que Casares Long "xa ten cumprido o seu ciclo e debería convocar eleccións anticipadas"
A entrevista completa neste enlace
viernes, 21 de diciembre de 2012
miércoles, 19 de diciembre de 2012
Comunicado de +IDEAS
Esta mañá un grupo de persoas impediu o normal funcionamento do Claustro da USC, forzando a suspensión da sesión na que se ían debater as liñas xerais do orzamento para 2013.
+IDEAS condena enerxicamente que se teña impedido a discusión e toma de decisións no máximo órgano representativo da comunidade universitaria, no que están libremente elexidos representantes de todos os sectores.
O ataque ao Claustro da USC, que ten dado mostras dabondo de compromiso democrático e de capacidade de control da xestión dos órganos de goberno, só pode favorecer aos interesados no desprestixio da universidade pública e aos sectores incapaces ou non interesados en artellar alternativas que permitan saír da situación de crise que vive a USC, ademáis de abortar a expectativa dun adiantamento electoral.
Neste sentido +IDEAS considera que situacións inadmisibeis coma a de hoxe e o clima de crispación que se está a vivir fan urxente a adopción de medidas que recuperen a confianza da sociedade na nosa universidade e impidan o deterioro do normal funcionamento institucional da USC.
Compre referirse á responsabilidade do equipo reitoral na xeración dos actuais conflictos. O reitor amosou unha vez máis a súa falta de liderado e de diálogo para tratar de evitar que se chegue ao ambiente enrarecido dos últimos días. Como temos dito en reiteradas ocasións, o actual equipo ten chegado ao final do seu ciclo e esgotado a súa capacidade de reconducir a situación.
Por iso faise necesaria a convocatoria de eleccións anticipadas, de xeito que no comezo do vindeiro curso novas persoas e novas ideas na dirección da USC podan enfrontar unha nova etapa. Facemos un chamamento ao Reitor para que asuma aberta e responsablemente esta opción.
+IDEAS comprométese a traballar na procura dunha saída á situación da universidade e a xuntar esforzos para presentar unha alternativa de goberno con novos apoios, capaz de xerar un consenso amplo na comunidade universitaria e de encauzar sen máis dilacións o futuro da USC.
+IDEAS condena enerxicamente que se teña impedido a discusión e toma de decisións no máximo órgano representativo da comunidade universitaria, no que están libremente elexidos representantes de todos os sectores.
O ataque ao Claustro da USC, que ten dado mostras dabondo de compromiso democrático e de capacidade de control da xestión dos órganos de goberno, só pode favorecer aos interesados no desprestixio da universidade pública e aos sectores incapaces ou non interesados en artellar alternativas que permitan saír da situación de crise que vive a USC, ademáis de abortar a expectativa dun adiantamento electoral.
Neste sentido +IDEAS considera que situacións inadmisibeis coma a de hoxe e o clima de crispación que se está a vivir fan urxente a adopción de medidas que recuperen a confianza da sociedade na nosa universidade e impidan o deterioro do normal funcionamento institucional da USC.
Compre referirse á responsabilidade do equipo reitoral na xeración dos actuais conflictos. O reitor amosou unha vez máis a súa falta de liderado e de diálogo para tratar de evitar que se chegue ao ambiente enrarecido dos últimos días. Como temos dito en reiteradas ocasións, o actual equipo ten chegado ao final do seu ciclo e esgotado a súa capacidade de reconducir a situación.
Por iso faise necesaria a convocatoria de eleccións anticipadas, de xeito que no comezo do vindeiro curso novas persoas e novas ideas na dirección da USC podan enfrontar unha nova etapa. Facemos un chamamento ao Reitor para que asuma aberta e responsablemente esta opción.
+IDEAS comprométese a traballar na procura dunha saída á situación da universidade e a xuntar esforzos para presentar unha alternativa de goberno con novos apoios, capaz de xerar un consenso amplo na comunidade universitaria e de encauzar sen máis dilacións o futuro da USC.
miércoles, 12 de diciembre de 2012
Emendas á totalidade presentadas por +IDEAS para o Claustro do día 19/12/2012
Proponse a retirada do texto de Liñas Xerais
do Orzamento para o exercicio 2013 ao resultar absolutamente imposible
poder concluír, da análise do texto, sobre os obxectivos orzamentarios
da USC, e sobre a realidade dos ingresos e os gastos a considerar para
dito Orzamento
Proponse a devolución do Plan de actuacións 2013-1014. O documento do Plan de Actuacións resulta especialmente decepcionante e preocupante pola ausencia de referencias ás actuacións nos eidos básicos da nosa actividade (docencia e investigación) nin tampouco en materia de PDI.
Proponse a devolución do Plan de actuacións 2013-1014. O documento do Plan de Actuacións resulta especialmente decepcionante e preocupante pola ausencia de referencias ás actuacións nos eidos básicos da nosa actividade (docencia e investigación) nin tampouco en materia de PDI.
lunes, 3 de diciembre de 2012
La USC estudia la viabilidad de Unidixital, que sufre un ERE
O representante do colectivo docente +IDEAS ten preguntado xa por dúas veces
no consello de goberno pola situación de Unidixital, aínda sen respostas concretas polo reitorado.
Máis información no seguinte enlace
no consello de goberno pola situación de Unidixital, aínda sen respostas concretas polo reitorado.
Máis información no seguinte enlace
domingo, 11 de noviembre de 2012
Consello de Goberno extraordinario do 9 de novembro de 2012
Reseña da reunión e da intervención de J. Viaño sobre a convocatoria de prazas de PDI suspendida cautelarmente
RESEÑA
O reitor da conta pormenorizada das reunións que mantivo con representantes da Consellería de Cultura, Educación e O.U. e da de Facenda, sobre a procedencia das prazas convocadas na USC por R.R. do 21 de setembro de 2012 (aprobadas nun paquete máis amplo no C.G. do 20/07/2012) e tamén da futura convocatoria das prazas de estabilización de investigadores do programa IPP aprobadas polo C.G. nas sesións de 28/09/2012 e 26/10/2012).Segundo a información do Reitor, a relación de prazas aprobadas no CG do 20/07/2012 foi remitida ás Consellerías, nos días seguintes. Do mesmo xeito, a convocatoria de prazas feita por R.R. do 21/09 foi comunicada a distintos ámbitos da Xunta de Galicia.
O día 20/09 a Xunta recibe indicacións do Ministerio de Hacienda en relación as convocatorias de prazas de PDI nas universidades atendendo ás limitacións previstas no RD 14/2012 e na lei de PGE de 2012. Como consecuencia o día 27/09 con entrada o día 2/10 a Xunta require datos do PDI laboral xubilado en 2011, que lle foron remitidos inmediatamente: 1 CDR xubilado.
O día 2/10 comezan as reunións coa Xunta das universidades galegas. A USC ten a primeira reunión o día 18/10. A Xunta fai valer as restricións que ten que impoñer: taxa dos 10% de reposición, limite da masa salarial. Discrepancias da USC: non se sobrepasa a masa salarial, hai aspectos singulares como son os ASO LRU afectados pola disposición transitoria primeira de estatutos, a promoción dos AXU DR recollida en convenio colectivo.
Unha nova reunión ten lugar o día 22/10. “Longa e difícil na que non se atopou saída a situación” segundo palabras do reitor. O día 25/10, o director xeral de orzamentos remite unha carta ao reitor na que autorizaría en 2012 os concursos das prazas de estabilización dos RyC 2007 (4 prazas) e dos Starting Grant (2 prazas), e deixaría aberta a posibilidade para que o resto das prazas da convocatoria se fosen negociando a partir de 2013. O escrito figura sen data, tal e como foi entregado polo equipo reitoral na mesa de negociación sindical do día 6 de novembro. O día 26 de outubro celebrouse un CG no que o reitor informou da situación e da postura da Xunta pero non do contido pormenorizado deste escrito.
O dia 29/10 o reitor suspende cautelarmente a convocatoria do día 21/09. Nas negociacións de última hora posteriores ao escrito estableceuse a que parece ser a postura final da Xunta (e da que non constaría nada por escrito agás o referente aos RC e SG):
• Autoriza a convocatoria en 2012 das seguintes 27 prazas de CDR:
- 4 prazas de estabilización de investigadores RC.
- 2 prazas dos estabilización de Starting Grant.
- 2 prazas de estabilización de interinos de longa duración
- 1 prazas de estabilización dun AXU LOU.
- 3 prazas de profesores vinculados del SERGAS
- 15 prazas de estabilización de investigadores IPP do 2006 que estaban pendentes de convocar en 2011.
• As prazas de CDR de transformación de ASO-LRU e estabilización de investigadores IPP 2007, serán convocadas pautadamente en 2013, con datas que se negociarán tamén en 2013.
Nota: Para unha información mais detallada recollemos en Anexo a relación e tipos de prazas afectadas, co CG no que se aprobaron, a súa situación actual e a posición que, segundo o reitor, ten adoptado a Xunta en canto a súa cobertura en convocatoria pública.
O reitor engade que este non é un acordo senón unha imposición e que intentará todo o posible para que ningún afectado perda o vínculo contractual coa USC. Informa tamén que ten solicitado un dictamen xurídico sobre a posible invasión da autonomía universitaria por parte da Xunta, cando fixa cantas e que tipo de prazas podemos convocar. Non aclara na súa información nin no posterior debate se anulará total ou parcialmente ou manterá a convocatoria do 21/09.
Unha vez rematada a súa exposición, o reitor deu lectura a un escrito da Plataforma de Afectados pola Suspensión Cautelar, reclamando que se continúe coa convocatoria. A continuación pasoulle a palabra á Directora do Departamento de Fundamentos de Análise Económica (M. Dolores Riveiro), que deu lectura a un escrito asinado por varios directores de departamento con prazas afectadas pola suspensión cautelar. Nel criticaba moi duramente ao reitor e ao seu equipo por ordenar a convocatoria sen ter autorización da Xunta, por no informar das negociacións e non enviarlle os escritos da Xunta, por non defender a autonomía universitaria, e instándoo a que acorde coa Xunta un calendario para a cobertura escaleirada de todas as prazas aprobadas polo CG.
Pediron a palabra para intervir Angel García (que leu un escrito dos investigadores RC 2007 afectados), Juan Viaño (+IDEAS), L. Fernández Prieto, Jaime Feijoo, dous estudantes, Esther Hervés, Antón Pérez Casas, Javier Jorge Barreiro e Gumersindo Feijoo. Todas as intervencións - excepto J Feijoo e J Jorge - foron críticas coa actitude do reitor e do seu equipo nesta cuestión.
Despois das intervencións o reitor intentou xustificar as súas decisións e non aclarou cal sería a que adoptaría sobre a convocatoria suspendida. Aínda que sen dicilo expresamente a súa predisposición parece ser a anulación da convocatoria para convocar de novo as prazas para as que dispón de autorización.
INTERVENCIÓN DE J. VIAÑO (+IDEAS)
Vimos de escoitar o relato pormenorizado das reunións do reitor e o seu equipo cos representantes da Xunta a propósito da convocatoria de prazas na nosa universidade. Reunións que vostede mesmo non califica de negociacións e nos que presenta ao seu equipo como vítima dunha situación na que non conseguen facer valer o seus argumentos e mesmo consideran que se vulnera a autonomía universitaria.Sen dúbida, coa desculpa da crise económica actual, estamos asistindo a continuos atropelos da autonomía das universidades por parte doutras administracións. Seguramente neste caso tamén pode haber excesos que non debemos permitir. Pero, sendo isto así, pensamos tamén, que no caso das prazas de PDI que vostede negocia, a USC é vítima da situación que vostede e a súa vicerreitora de PDI se empeñaron en colocarnos, pola súa visión negativa dunha universidade investigadora, pola súa intención de anular todo os referentes a equipos de goberno anteriores e defender unha universidade anclada no pasado.
No mes de xullo do ano 2011 vostedes tiñan que ter convocado as prazas dos 17 investigadores IPP e RC que remataban contrato en decembro dese ano. Lémbrolles que vostedes ofreceron só 5. Naquel momento non tiñan os “decretazos” do goberno Rajoy que restrinxen as contratacións e tiñan o acordo maioritario da comunidade universitaria para cumprir con ese compromiso, que era un compromiso da USC; pero vostedes empeñáronse en rachalo.
A súa postura, defendida contra toda lóxica, levou a unha loita dun ano enteiro, a unha perda de tempo e recursos para comprobar o que xa sabiamos: que todos os investigadores reunían méritos sobrados para ser estabilizados de acordo coas convocatorias. Tivo que ser a comunidade universitaria, coa implicación a fondo de todos os colectivos, quen evitara este erro histórico e lles arrincase un cambio de actitude, do que todos nos alegramos. Pero a pesar dese cambio, vostedes non foron dilixentes na execución dos acordos, foron sempre a remolque e a día de hoxe as súas prazas non foron aínda convocadas e están interferindo coas doutros colectivos que reclaman lexitimamente. Se vostedes tiveran convocado aquelas prazas no verán de 2011, hoxe non estaríamos aquí con este problema e as negociacións para solventar as prazas doutros colectivos poderían levarse agora nun contexto moi distinto.
Vostedes persistiron no seu erro de forma permanente. En efecto, o dia 23 de marzo acadouse un gran acordo universitario, moi traballado e moi custoso para sacar adiante as prazas dos IPP 2006 e 2007, dos RC 2007 e os criterios para transformar os Asociados LRU afectados pola transitoria primeira de estatutos, os interinos de longa duración e a promoción por convenio colectivo dos axudantes doutores.
Se vostedes fosen dilixentes, ao dia seguinte tiñan que estar negociando coa Xunta de Galicia as condicións económicas e as autorizacións necesarias para convocar as prazas sen riscos de paralización. Pero non o fixeron, porque vostede e a súa vicerreitora de PDI tiñan outras ideas na cabeza: non sacarían ningunha praza de investigador mentres non tivesen a punto os cálculos dos criterios estruturais (inicialmente, desprezando o esforzo investigador) que utilizaron para aprobar as prazas de transformación de Asociados LRU e interinos. Os criterios non foron publicados ata xullo de 2012 (por certo nunca depurados) e as prazas de transformación de Asociados LRU e interinos, non foron creadas ata o CG do día 27/07/2012 (incluíndo o despido inxustificado e inxusto de cinco profesores aos que lles quedaban escasos meses para a súa xubilación).
Naquel CG creáronse un total de 98 prazas, das que 41 eran de CDR e 17 de AXU-DR. Destas, 33 prazas de CDR e 1 de AXU-DR foron sacadas a concurso público na convocatoria feita por resolución do 21 de setembro (dos meses despois) e agora suspendida cautelarmente por vostede o pasado 26 de outubro.
Naquel momento (xullo de 2012) xa coñeciamos a advertencia mediante burofax do Ministerio de Hacienda dun contencioso administrativo contra a convocatoria en xuño de 16 prazas de titular de universidade, por superar a taxa de reposición. Requirimento provocou que vostede anulara a convocatoria definitivamente. Por este motivo, no mesmo CG xa lle advertimos
“…da necesidade de explicar moi ben á Xunta e aos medios de comunicación a decisión de crear 98 prazas nun momento de crise tan delicado. Advertimos da necesidade de coidar as mensaxes, de explicar moi ben que os postos fixos que se crean son de transformación e de estabilización de investigadores que xa son traballadores da universidade, non de prazas novas, e que non saímos dos límites da masa salarial. Temos que evitar que a Xunta reaccione igual que o Ministerio fronte a convocatoria de prazas de titulares. ¿Que garantías temos de que a Xunta non vai presentar recurso por pasar dos límites da masa salarial ou do 10% de reposición? ¿pode a vicerreitoría garantir que as prazas de CDR non forman parte da taxa de reposición? Hai interpretacións que aseguran que si....”
¡Canto me gustaría ter errado na miña previsión!! Porque (supostamente) o pasado día 25 de outubro, nun escrito, sen data, que foi dado a coñecer na mesa de negociación sindical pero que non foi repartido a comunidade universitaria, o director xeral de orzamentos lle pide ao reitor que suspenda a convocatoria das 34 prazas. Vostede cumpre con ese requirimento nunha R.R. de data do 26 de outubro e procede a suspensión cautelar. A R.R. de suspensión foi asinada ao mesmo tempo que se celebraba un C.G. no que vostede nos informou das negociacións pero non mencionou o contido do escrito do director xeral de orzamentos. Vostedes non contaron no CG toda a verdade do que estaba pasando.
Neste resumo da situación faltan aínda dous datos de enorme importancia: 15 prazas dos IPP 2006 e 6 dos IPP 2007 creadas nos CG do 28 de setembro e do 26 de outubro, para os investigadores que obtiveron a avaliación de excelente na ANEP…e que tampouco foron aínda convocadas.
É difícil atopar un calificativo para unha actuación tan errática da vicerreitoría de PDI: dous anos de xestión absolutamente perdidos, dous anos de enfrontamentos entre áreas e colectivos, prazas convocadas e anuladas, recursos, claustros e consellos de goberno extraordinarios, negociacións “in extremis”, avaliacións da ANEP, bandazos e malentendidos, sufrimentos e ultimátums, ¿e todo isto para que?. Despois de dous anos e medio na reitoría a situación que nos presenta vostede e a súa vicerreitora de PDI, non pode ser máis desesperante:
- Todas as prazas dos investigadores IPP dos anos 2006 e 2007 están creadas en CG pero sen convocar; en dous anos e medio vostede non estabilizou ningún investigador; nin tan sequera os Starting Grant que tanto anunciou defender; a un deles xa lle convocaron a prazas tres veces e as tres veces lla paralizaron. ¿Cómo podemos pedirlle confianza na nosa universidade.
- As prazas de transformación dos asociados LRU, as dos investigadores RC 2007 e as de promoción de axudantes doutores a contratados doutores suspendidas cautelarmente.
- A convocatoria das 16 prazas de promoción de CDR a TU, definitivamente anulada.
A estas alturas, todos os colectivos afectados esperan de vostede e da vicerreitora de Titulacións e PDI que, dunha vez por todas, asuman as súas responsabilidades, que deixen de dar largas e de enganar e que resolvan algo. Vostedes teñen a obriga de defender por igual todas as prazas acordadas neste CG. Se a Xunta permite convocar algunhas prazas, convóquense sen perder mais tempo. Aten todo o que poidan no 2012 e intenten amarrar todo o que poidan para o 2013, a ser posible por escrito. Acorden unha folla de ruta, convocatorias pautadas, un calendario, o que sexa; pero fagan algo. E fágano o mellor posible. Consulte cos asesores xurídicos que teña que consultar para ver se anula ou non anula a convocatoria paralizada. Trate de que o dano e o sufrimento sexa o menor posible. Intente evitar que dentro de 3 ou 4 anos estas prazas estean aínda impugnadas. Pedímoslle que actúe, que resolva problemas e non os amoree sen decidir nada, como fixo ata agora.
Moitas grazas.
ANEXO
PRAZAS AFECTADAS APROBADAS NOS CG DE 20/07/2012, 28/09/2012 E 26/10/2012
Consello de Goberno do 20/07/2012.
- 19 ASO LOU (Asociados LOU) e 21 PACS (Profesores asociados de Ciencias da Saúde). Motivo: transformación Asociados LRU e cobertura de vacantes. Algunhas destas prazas foron convocadas nos concursos 6001/12-13 a 6024/12-13 (R.R. do 28/09/2012).
- 17 AXU-DR (Axudantes doutores). Motivo: transformación Asociados LRU. En caso de que os asociados non estiveran acreditados para AXU-DR, cubríanas interinamente de forma directa. Destas prazas só foi convocada unha no concurso 5034/12-13 (R.R. do 21/09/2012), suspendida cautelarmente por R.R. do 26/10/2012. Por ser praza con contrato temporal a Xunta autoriza a súa cobertura.
- 41 CDR (Contratados doutores). Un total de 33 destas prazas foron convocadas nos concursos 5001/12-13 a 5033/12-13 por R.R. do 21/09/2012 e agora suspendidas cautelarmente por R.R. do 26/10/2012. A continuación resumimos os motivos da creación e o número de prazas xa convocadas para cada un deles nos referidos concursos.
- Transformación de Asociados LRU con tese de doutoramento antes do 31 de xullo de 2012, con cobertura interina directa en tanto non se tivese a acreditación para CDR. Convocadas: 8. A Xunta non autoriza a súa cobertura en 2012 e accede a negociar a saída pautada en 2013 e sucesivos exercicios.
- Transformación dun AXU LOU acreditado, unico existente na USC. A Xunta autoriza a súa cobertura en 2012.
- Transformación de interinos de sustitución en áreas deficitarias con acreditación. Convocadas: 4. A Xunta autoriza a cobertura de 2 por amortización das cátedras correspondentes.
- Promoción de AXU-DR acreditados recollida no Convenio Colectivo. Convocadas: 14. A Xunta non autoriza a súa cobertura neste ano 2012. Será posible no futuro porque se promete excepcionar estas promocións da taxa de reposición, a partir dos orzamentos de 2013.
- Estabilización de investigadores con Starting Grant con finalización de contrato. Convocadas: 2. A Xunta autoriza a súa cobertura en 2012.
- Estabilización de investigadores RyC de 2007 que finalizan contrato en 2012. Convocadas: 4. A Xunta autoriza a súa cobertura en 2012.
Consello de Goberno do 28/09/2012.
- 13 CDR. Motivo: Estabilización de investigadores IPP do 2006 avaliados positivamente pola ANEP en cumprimento do acordo do CG de 23/03/2012. Estas prazas non foron convocadas ata o momento. A Xunta autoriza a súa cobertura en 2012.
Consello de Goberno do 26/10/2012
- 8 CDR: Motivo: Estabilización de investigadores IPP do 2007 (6 prazas) e do 2006 (2 prazas para investigadores reclamantes da avaliación inicial). Estas prazas non foron convocadas ata o momento. A Xunta autoriza a cobertura en 2012 das 2 prazas de IPP do 2006 e a negociación en 2013 das de IPP 2007.
jueves, 1 de noviembre de 2012
RESEÑA E VALORACIÓN DO CONSELLO DE GOBERNO DO DÍA 26 DE OUTUBRO DE 2012
Informes do reitor
- Prazas de PDI (inclúe o punto 4 da orde do dia) . O reitor informa de que se está a negociar coas Consellerías de Facenda e de Educación a autorización da convocatoria das prazas aprobadas nos CG do mes de xullo, setembro e outubro. +IDEAS elaborou o seguinte cadro informativo para que os nosos lectores non perdan a pista das prazas.
Consello de Goberno do 20/07/2012
- 19 ASO LOU (Asociados LOU) e 21 PACS (Profesores asociados de Ciencias da Saúde). Motivo: transformación Asociados LRU e cobertura de vacantes. Algunhas destas prazas foron convocadas nos concursos 6001/12-13 a 6024/12-13 (R.R. do 28/09/2012).
- 17 AXU-DR (Axudantes doutores). Motivo: transformación Asociados LRU. En caso de que os asociados non estiveran acreditados para AXU-DR, cubríanas interinamente de forma directa. Destas prazas só foi convocada unha no concurso 5034/12-13 (R.R. do 21/09/2012), suspendida cautelarmente por R.R. do 26/10/2012.
- 41 CDR (Contratados doutores). Un total de 33 destas prazas foron convocadas nos concursos 5001/12-13 a 5033/12-13 por R.R. do 21/09/2012 e agora suspendidas cautelarmente por R.R. do 26/10/2012. A continuación resumimos os motivos da creación e o número de prazas xa convocadas para cada un deles nos referidos concursos.
- Transformación de Asociados LRU con tese de doutoramento antes do 31 de xullo de 2012, con cobertura interina directa en tanto non se tivese a acreditación para CDR. Convocadas: 9.
- Transformación de interinos de sustitución en áreas deficitarias con acreditación. Convocadas: 4.
- Promoción de AXU-DR acreditados recollida no Convenio Colectivo. Convocadas: 14.
- Estabilización de investigadores con Starting Grant con finalización de contrato. Convocadas: 2.
- Estabilización de investigadores RyC de 2007 que finalizan contrato en 2012. Convocadas: 4.
Consello de Goberno do 28/09/2012.
- 13 CDR. Motivo: Estabilización de investigadores IPP do 2006 avaliados positivamente pola ANEP en cumprimento do acordo do CG de 23/03/2012. Estas prazas non foron convocadas ata o momento.
Consello de Goberno do 26/10/2012.
- 8 CDR: Motivo: Estabilización de investigadores IPP do 2007 (6 prazas) e do 2006 (2 prazas para investigadores reclamantes da avaliación inicial). Obviamente, estas prazas tampouco foron convocadas.
O reitor informa das dificultades
que están atopando nas negociacións coas Consellerías de Facenda e Educación en
relación a aplicación da normativa actual en materia de reposición de vacantes
e da non superación da masa salarial. Ante as reiteradas preguntas de J. Viaño
e A. García, o reitor afirma textualmente:
“eu entendo que as prazas dos
investigadores IPP e RyC xa non teñen problema”. A postura da USC nas negociacións (ao parecer
pactada coas outras 2 universidades de Galicia)
é a de loitar por todas as prazas, sempre que non se sobrepase o límite
da masa salarial. Sobre este tema, no punto 4 das prazas aprobadas hoxe, a
Vicerreitoría de Titulacións e PDI entregou un informe do custe económico das
prazas que se aprobaron, acompañado dunha certificación da xerencia de que se
dispón dos fondos necesarios no capitulo I para facerlles fronte.
J. Viaño (+IDEAS) amosa o seu
acordo nos termos da negociación coa Xunta pero criticou que esta negociación non
se tivera feito antes de ter dado tantos pasos e sen saber se finalmente estas
prazas sairán a concurso, cos prexuízos e desazóns que está provocando aos
afectados. “A decisión deste equipo de no
cumprir o compromiso cos investigadores IPP e RyC levou a unha loita dun ano
enteiro e a perda de tempo e recursos para comprobar o que todos xa sabiamos, que
todos os investigadores reunían méritos sobrados para ser estabilizados segundo
establecían as súas convocatorias. A consecuencia desta nefasta xestión é que neste momento, despois duna ano da finalización dos
seus contratos, as súas prazas aínda non foron convocadas publicamente.
Ademais, de forma premeditada o equipo reitoral está facendo colisionar os
intereses dos distintos colectivos de profesores que aspiran a súa promoción e
estabilización…”.
J. Viaño tamén preguntou
expresamente á xerente se a súa certificación de dispoñibilidade de recursos
implicaba que non se sobrepasaba a masa salarial e se existía algún outro
requisito que impedira a convocatoria das prazas. A súa resposta foi que en
efecto se respectaba o límite da masa salarial e que dende o punto de vista
orzamentario ela non vía ningún motivo que impedira a convocatoria.
O reitor informou que, no caso de
non seren autorizadas todas as prazas, faría un CG extraordinario para tratar o
tema, e faría todo o posible para que todos os contratados non perderan a súa
vinculación coa universidade.
Reflexión de +IDEAS: No momento de redactar esta reseña, o luns
día 29 de outubro foi distribuída a toda comunidade universitaria unha copia da
Resolución Reitoral que suspende cautelarmente a convocatoria das prazas feita
por RR do día 21 de setembro (33 prazas de CDR e 1 de AXU-DR dos concursos
5001/12-13 a 5034/12-13) que inclúe as transformacións de ASO LRU e a
estabilización dos investigadores RyC de 2007. A RR de suspensión está asinada
o día 26 de setembro, isto é o mesmo día do Consello. A pesares da insistencia
de varios membros do Consello en saber en que punto estaban as negociacións coa
Xunta, o reitor e a vicerreitora de PDI
ocultáronlle ao CG os termos do escrito recibido o día anterior ao
Consello, da Dirección Xeral de
Orzamentos da Consellería de Facenda
(aínda hoxe non foi dado a coñecer)
e ocultaron que xa tiñan tomado a
decisión da suspensión cautelar, asegurando que as negociacións continuarían
esta semana.
Cando no mes de xullo se crearon as prazas agora suspendidas, +IDEAS
alertou ao equipo reitoral da necesidade de explicar moi ben á Xunta e aos
medios de comunicación á necesidade de convocar estas prazas e de convencelos
de que non se sobrepasaba o límite da masa salarial imposto polas normas de
control do déficit. Reproducimos aquí
unha pequena parte da intervención de J. Viaño naquel CG: “nun momento económico tan difícil
como o actual, esta é unha decisión de gran transcendencia, que pode
condicionar o futuro doutras prazas e doutras persoas, que mesmo para
algunhas pode significar "perder o
último tren". Por iso, temos que ter moi claro o que estamos a decidir e
coidar as mensaxes que estamos mandando á sociedade e a outros colectivos
afectados. ….. Se non se explica moi ben
que se trata de prazas de transformación e de estabilización de investigadores
que xa son traballadores da universidade, que non saímos dos límites da masa
salarial, podemos ser tachados de irresponsables e mesmo provocar na Xunta unha
reacción como a do Ministerio fronte a convocatoria de prazas de titulares.
¿Qué garantías temos de que a Xunta non vai presentar recurso por pasar dos
límites da masa salarial …?---¿Tense negociado coa Xunta estes extremos …?.
Tres meses máis tarde, a situación non pode ser máis desesperante: todas as
prazas dos investigadores IPP do anos 2006 e 2007 están creadas en CG pero sen
convocar. As prazas de transformación dos asociados LRU e investigadores RyC
2007 e as de promoción de axudantes doutore a contratados doutores suspendidas
cautelarmente. A convocatoria das prazas de promoción de CDR a TU
definitivamente anulada. É difícil atopar un calificativo para unha actuación
tan errática da Vicerreitoría de PDI: dous anos de xestión absolutamente
perdidos, dous anos de enfrontamentos entre áreas e colectivos, negociacións in
extremis, avaliacións por duplicado, bandazos e malentendidos, sufrimentos e ultimátums,
consellos de Goberno extraordinarios, …. ¿e todo isto para qué?. A Sra.
Vicerreitora de Titulacións e PDI debe asumir as súas responsabilidades
e dar unha explicación á comunidade universitaria.
- CRUE. O reitor informa de que a CRUE remitiu un escrito ao Ministro de Educación reclamando a inclusión dun punto no vindeiro "Consejo de Universidades" no que se reclame que, sen renunciar a solidariedade necesaria neste tempo de crise, nas universidades se aplique o límite da taxa de reposición do 10% dun xeito distinto ao do resto da administración pública, permitindo unha interpretación en termos de masa salarial e non en termos do número de efectivos, que pode levar a paralización das universidades porque impide o acceso e a promoción de todos os acreditados.
- Grao en Xestión de Pequenas e Medianas Empresas. O 25 de setembro recibiuse informe negativo da ANECA. O dia 2 de outubro remitiuse de novo a ACSUG con todas as alegacións da USC.
- Claustro. Interrogado por A Pérez Casas, o reitor informa da súa previsión de celebrar este ano unha nova sesión do Claustro para aprobar a programación plurianual e orzamentos para o 2013.
Informes das vicerreitorías
- Investigación. Informa da resolución das convocatorias de axudas predoutorais e da convocatoria dos RyC, JdeC, Torres Quevedo e Persoal Técnico de Apoio.
- Titulacións e PDI.
- Complementos retributivos autonómicos. A Vicerreitora informa de que os tres reitores do SUG decidiron anular as ordes de pago dos sexenios de investigación e complementos retributivos autonómicos, en tanto a Consellería non teña feito as transferencias previstas no vixente Plan de Financiamento do SUG por este concepto. Nota: Na reseña do CG do pasado 28 de setembro informabamos, erroneamente, que a Xunta xa tiña feito esas transferencias. Parece que o que pasou foi que a Consellería de Educación solicitou das universidades a preceptiva certificación, pero aínda faltaba a conformidade da Consellería de Facenda.
- Criterios de excelencia para másteres oficiais. Dende a CASUE (Comisión Académica da CRUE) se remiten suxestións ao Ministerio sobre o borrador dos criterios de excelencia para másteres oficiais que foi recentemente coñecido e distribuído a centros e coordinadores. En concreto, se fai referencia ao número de alumnos, solicitando que non sexan os mesmos números para másteres investigadores e profesionalizantes (40 alumnos en interuniversitarios con un mínimo de 15 alumnos por universidade e 25 alumnos no caso dunha sola universidade) e que se flexibilice o criterio de terse impartido 3 anos consecutivos.
- Másteres 2012-13. A Vicerreitora informa das negociacións coa Consellería sobre a autorización dos 15 másteres que non reunían os requisito do Decreto 222/2011. A Xunta aceptou diversos criterios de oportunidade (másteres en proceso de reorganización, contar alumnos de intercambio, titulacións singulares,….) de maneira que tan só cinco másteres non foron autorizados (Dereito Privado, Dereito das Administracións Públicas, Industrias Leiteiras, Técnicas Veterinarias.
- Secretaria Xeral. Informa, entre outros temas, da incoporacion ao Consello de Goberno dos novos representantes de Decanos e Directores de Centro: Juan Monterroso (Xeografía e Historia), Juan Ares (RR. LL.), Ramón Estévez (Químicas), Luis Gago (ADE Lugo), Antonia Gigirey (Óptica), Luis Soto (Filosofía).
Prazas de PDI
Apróbanse ás 8 prazas de CDR para estabilización
de 2 investigadores IPP do ano 2006 e 6 do ano 2007 que alcanzaron as
puntuacións requiridas na avaliación efectuada pola ANEP (algunhas delas despois
de seren reclamadas). Para mais información consúltese o primeiro apartado de
informes do reitor-
Aprobación de propostas de másteres para o curso 2013-14.
Apróbanse
as propostas dos seguintes másteres (condicionadas as correccións propostas nos
informes dos SXOPRA e da Comisión de TItulacións): Estudos
da Literatura e da Cultura; Estudos Ingleses Avanzados; Matemática Industrial;
Monarquía de España; Psicoloxía da Saúde e
Química Orgánica.
Escola de Doutoramento
Volve a CG a proposta da Vicerreitoría de
Titulacións e PDI para creación da Escola de Doutoramento Internacional da USC a
que se adscribirían todos os programas de doutoramento da USC, calquera
que sexa o seu ámbito, incluídos os adscritos actualmente a Escola de
Doutoramento de Ciencias e Técnicas Biomédicas (EDCTB) creada en 2010, que desaparecería.
Esta proposta culmina a reestruturación do Centro de Posgrao (CPG) e do Regulamento
de Doutoramento aprobados no CG do 25 de xuño (no que foi retirado o punto que
hoxe volve).
A proposta da Vicerreitoría foi defendida polo
director do CPG (Jesús López Romalde) e pola directora da Escola de
Doutoramento (Isabel Rodríguez-Moldes Rey), insistindo nos argumentos dunha
sola escola –por exemplo, dicindo que se mellorarían as ratios de calidade- e
mostrando que varias universidades españolas xa se decantaran por este modelo
de escola única.
A proposta (a mesma que a de xuño) atopou a
oposición de distintos membros do Consello de Goberno. En particular, J. Viaño
(+IDEAS) e R. Estévez (+IDEAS) defenderon un modelo de varias escolas, unha por
cada gran ámbito, semellante ao modelo francés, que permite visualizar os
ámbitos nos que somos máis fortes e facilita a mellora dos parámetros de
calidade. Insistiron tamén no retroceso que supón disolver a Escola de Ciencias
e Técnicas Biomédicas, vinculada ao Campus de Excelencia Internacional (Campus
Vida). J. Viaño propuxo como alternativa crear a Escola Internacional que se
propón pero conservando a Escola xa existente.
Pola súa banda, I. Rodríguez e X. C. Carreira
pediron que o tema quedara sobre a mesa para volver a ser discutido. A
vicerreitora e o reitor non accederon esgrimindo que é necesario ter adscritos
os programas de doutoramento antes do 14 de novembro.
Reflexión de +IDEAS: En dous anos este equipo non
foi quen de rexistrar no RUCT a EDCTB creada en 2010 (antes do RD de
Doutoramento) como apoio fundamental do Campus Vida….porque xa tiñan pensado
eliminala. Agora culminan o traballo e, unha vez máis amosan o seu afán en agochar todos
os referentes que a USC foi creando nos
últimos anos. A agregación “global” de todos os programas nunha sola Escola,
non consegue as sinerxias e potencialidades que si se teñen coa agrupación
“parcial” por grandes ámbitos e tampouco contribúe a mellorar os parámetros relativos de calidade (aínda que
si os absolutos). En todo caso, estaba xustificado experimentar un tempo con
dúas escolas. A unificación sempre sería posible no futuro se a experiencia así
o aconsellara.
Outros puntos de interese
- Foi aprobado o Regulamento de Intercambios que revisa e unifica as normas sobre intercambio de estudantes e recoñecemento de estudos.
- Proponse para este curso o nomeamento como Doutores Honoris Causa os seguintes (decididos entre 10 posibles): Antonio Bonet Correa (Historia da Arte), Luis Díez-Picazo y Ponce de León (CC. Xurídicas), Gatze Lettinga (Enxeñaría). Tivéronse en conta as grandes áreas, pero non os solicitados neste ano 2012 nin os que foron propostos por un profesor que xa non está en activo. Descartáronse a J. Delors (por motivos de axenda) e Lula da Silva (saúde)
- Renovación da Comisión de Resolución de Conflitos: Diego Cabello (CC. Exp.), Mª Dolores Domínguez (CC. Saúde), Xosé A. Freire (PAS Santiago), Elvira López Mosquera (Enxeñaría), Fernando López Alsina (Humanidades), Asunción Pérez Pérez (PAS Lugo), Rita Rald (CC. Sociais).
Rogos e Preguntas
A relación non é completa polo que pedimos desculpas aos
autores das intervencións que non se recollen.
- Estudantes: Piden que se recollan os errores e disfuncións postos de manifesto na aplicación da Normativa de Permanencia para corrixilos nas futuras versións.
- Prof. A. Montes: Pide mais rigor nas recentes instrucións de limitación no pago de dietas e gastos de viaxe para membros dos tribunais de teses. Tamén pide que se axilice a cobertura de prazas vacantes de PACS (que son revisadas polo SERGAS).
- J. Ares: Critica o mal estado de conservación e funcionamento dos parkings das distintas facultades e centros. Tamén se refire aos cambios de criterios nalgunhas normas de matrícula e recoñecemento de créditos para estudantes que cambian aos graos.
- J.Viaño: Pregunta pola situación definitiva das prazas de titulares que foron anuladas unha vez rexeitados os argumentos enviados a Dirección General de Presupuestos. Resposta o Reitor dicindo que esas prazas están definitivamente anuladas e aínda que algúns departamentos fixeron alegacións no senso de conservar o status quo dos asinantes (lista que nunca foi publicada), xa se lles devolveron as taxas.
- +IDEAS: Outro episodio máis de ineficacia e falta de previsión nas xestións deste equipo…
- J. Viaño: No punto 9 da orde dia preguntou a Vicerreitora de Economía e Infraestruturas polas xestións feitas coa empresa Tórculo S.A. sobre o cese ou continuación da actividade da empresa Unidixital S.A. que, de non prorrogarse, remata o vindeiro 31 de decembro. A vicerreitora informa que se está recadando toda a información, incluída unha valoración externa dos custes da liquidación da empresa e despido dos traballadores. O dossier completo será entregado ao reitor para a toma da decisión final que será sometida ao Consello de Administración de Unixest.
lunes, 8 de octubre de 2012
Crise de goberno, crise na USC?
Días
atrás, o Claustro da USC rexeitou, por ampla maioría e por segunda vez en
poucos meses, a Programación Plurianual presentada polo reitor Casares. Unha
programación chea de bos desexos, pero completamente alonxada da realidade, dos
enormes problemas aos que se están a enfrontar as Universidades.
A
situación creada é anómala e preocupante. Transcorrida xa máis da metade do seu
mandato, o reitor non conseguiu aprobar o programa de goberno nen os orzamentos
para 2012. Que o equipo reitoral non teña os apoios necesarios é seguramente o
reflexo do disgusto provocado por decisións erróneas tomadas nos dous anos que
leva gobernando. A súa actitude fronte os campus de excelencia e os
investigadores Parga Pondal; o intento de aprobar uns criterios de plantilla que
menoscababan a investigación; a aceptación acrítica do plan de fi nanciamento
das universidades galegas; e outras varias decisións erráticas, provocadas pola
falla dun modelo universitario coherente, transmiten unha situación de parálise
e falta de iniciativa, que é percibida polos estamentos universitarios e por
toda a sociedade.
Ninguén
pode negar a lexitimidade do reitor para gobernar a USC. Máis ben, todo o
contrario, se lle esixe que goberne e que goberne ben, nunha situación crítica
como a actual. Pero tamén o Claustro é elexido democráticamente por todos os
sectores da comunidade universitaria e é «o máximo órgano representativo»
desta, único competente para aprobar as liñas xerais da programación e dos
orzamentos. Por iso é un erro a «claustro-fobia» que parece deducirse dunhas
desafortunadas declaracións recentes do reitor. O Claustro non é un órgano
dominado por escuros intereses, nen se pode eludir o seu control democrático.
Os claustrais somos profesores, estudantes e persoal da Universidade que
presentamos as nosas emendas asinadas con nomes e apelidos e as defendemos para
ser votadas. Non hai nada que non sexa transparente.
Tampouco
se pode gobernar mirando cara ao pasado, botando a culpa de todo á herdanza
recibida. O que espera a USC é un liderazgo forte, capaz de ollar cara ao
futuro e suscitar consensos. É imposible dirixir unha institución enfrentándose
á institución mesma. E os claustrais sabemos que nada outorga máis lexitimidade
que ser os portavoces das inquedanzas universitarias.
Afortunadamente,
a USC segue a cumprir a sua misión con normalidade. Pero o funcionamento por
inercia xa non da máis de si. En +IDEAS preocúpanos moi seriamente esta
situación. É responsabilidade do reitor reflexionar, resolvela, e emprender
urxentemente as iniciativas precisas para reconducila nos meses que lle quedan
de mandato, ou, en caso contrario, deixar paso a outros proxectos.
Enrique
Macías, voceiro de +IDEAS
(La
Voz de Galicia, 07-10-2012)
martes, 2 de octubre de 2012
+IDEAS esixe responsabilidades e promete tomar a iniciativa para salvagardar a Universidade
A Programación Plurianual do Reitor Casares rexeitada por segunda vez polo Claustro da USC
Para o colectivo +IDEAS, a Programación
Plurianual que se presentaba hoxe non
difería en nada substancial do texto rexeitado polo Claustro en decembro de
2011. Tan só estaba estruturada dun xeito diferente, o que melloraba a
presentación pero non o contido. Por eso +IDEAS
presentou unha emenda á totalidade, como fixeron outros grupos de
claustrais.
O documento segue a ser un
"desideratum", unha lista de desexos, cheo de xeneralidades e
declaracións de intencións, pero que non
define un modelo universitario coherente. Ademais ignora por completo a situación económica e social na que se debe
desenvolver. Os cambios na política económica por mor da crise, os cambios
normativos en políticas de persoal, non teñen o máis mínimo reflexo no
documento.
Tampouco ten en conta que o Reitor xa leva
máis de dous anos gobernando, cun equipo de goberno no que catro vicerreitores
xa teñen dimitido ou foron cesados Neste tempo leva tomado decisións erráticas, contraditorias,
en moitos casos, coas que enuncia na Programación.
Para +IDEAS o documento está fora da
realidade. Esqueceron que xa nos lles queda tempo nin recursos para facer todo
o que presuntamente propoñen. Non se trata de ter un papel que se chame
"Programación plurianual", trátase de saber cara onde vai a
Universidade. Pero o Reitor nunca dixo claramente o que querían facer en catro
anos de mandato e tampouco agora no lo din para os vindeiros meses que lles
restan. Por iso pedimos a retirada do texto.
A Programación Plurianual é o programa de
goberno que presenta un equipo reitoral ao Claustro o comenzo de seu mandato,
para ver se conta con apoios suficientes para levar adiante o seu programa.
Esta é a práctica absolutamente normal en todos os órganos democráticos. Neste
sentido, a situación da USC é certamente
anómala. Non é este un tema no que valan os argumentos que serven para
asuntos de máis calado institucional como os Estatutos ou o Valedor. Este
equipo reitoral leva esgotado xa máis da metado do seu mandato sen conseguir
aprobar estas directrices programáticas, desenvolvendo unha acción de goberno
carente de rumbo, o que está a causar un enorme desánimo e preocupación na
comunidade universitaria, no que seitores amplos consideran que o tempo
transcurrido do mandato do profesor Casares foi un tempo perdido para a USC, no
que se deberían ter tomado decisións de alcance.
En +IDEAS pensamos que non se pode apoiar
un programa de goberno que non muda pase o que pase. Pechar os ollos non é unha
forma de gobernar. Por iso pedimos o
voto en contra e así o entendeu o Claustro por unha amplísima maioría de 127 a
83.
Lamentablemente, os últimos meses foron un
tempo perdido e un reflexo da parálise, da falta de ideas e de apoios para
levar adiante un programa de goberno. Cada vez hai máis temas pendentes de
solución.
A USC non se pode permitir perder máis
tempo, abocada a unha situación de desgoberno Alguén ten xa que asumir a responsabilidade do que está a pasar,
non chega con "tomar nota", como dixo hoxe o Reitor no Claustro. +IDEAS
ten dado mostras máis que suficientes da súa vontade de colaboración, pero
chegado este momento tan delicado de falta de liderado na USC, se non hai
cambios a curto prazo terá que tomar a iniciativa para salvagardar á
Universidade e emprender as accións precisas para reconducir esta situación, na
seguridade de que contará co apoio da comunidade universitaria.
Temos que abordar a situación dun xeito
decidido para que a USC poda recuperar o liderado que lle corresponde, baseado nun
ideario de progreso e na aposta por unha universidade pública, comprometida coa
calidade docente e investigadora, dinamizadora do seu entorno socioeconómico, preocupada
pola súa autonomía e con capacidade de abordar os retos aos que se enfronta.
Intervención de Juan Viaño no Claustro do 2 de outubro de 2012 sobre a Programación Plurianual en representación de +IDEAS
Son moitas as razóns que
levaron a +IDEAS a presentar esta emenda
a totalidade. Resumireinas en tres.
1. VOSTEDES PRESENTAN HOXE A
MESMA PROGRAMACIÓN QUE FAI 10 MESES.
2. IGNORA POR COMPLETO A
SITUACIÓN ECONÓMICA E SOCIAL NA QUE SE DEBE DESENVOLVER
3. NON TEN EN CONTA QUE ESTE
EQUIPO LEVA MAIS DE DOUS ANOS GOBERNANDO E QUEDALLE MENOS DUN ANO PARA POR EN
MARCHA AS MEDIDAS QUE PROPÓN PRESUNTAMENTE.
Intervención do voceiro de +IDEAS en relación co Proxecto de Estatutos da USC no Claustro do 2/10/2012
No mes de abril +IDEAS deu o seu voto a estes Estatutos, por
sentido institucional. Neste tempo ten habido novedades importantes que afectan
á Universidade e agora estase a someter a votación exactamente o mesmo texto.
Como xa dixemos antes, non vale o argumento de aprobar as
cousas "sexa como sexa". A Universiddae non pode estar allea aos
cambios na política universitaria que se están a producir. Non pode estar
paralizada e sen iniciativa.
Estes Estatutos xa estaban obsoletos hai dous anos e agoran
están máis obsoletos. Terán un percorrido moi curto e serán unha ocasión
perdida. Pero aínda que o dano xa está feito, non queremos dar a imaxe dun Claustro
ineficaz, senon dun Claustro con criterio e con sentido institucional xeneroso,
polo que +IDEAS non se vai opoñer a estes Estatutos.
lunes, 1 de octubre de 2012
RESEÑA E VALORACIÓN DO CONSELLO DE GOBERNO DO DÍA 28 DE SETEMBRO DE 2012
Informes do reitor
➢ Éxitos dos grupos de investigación da USC. O reitor informa, entre outros, do descubrimento das primeiras pinturas rupestres de Galicia en Triacastela polo grupo do historiador Ramón Fábregas e da portada da revista SCIENCE dedicada a unha investigación do equipo do CIQUS dirixido polo profesor Enrique Guitián, do que forman parte a profesora Dolores Pérez Meirás o profesor Diego Peña.➢ Anulación da convocatoria de prazas de Titular de Universidade publicada en BOE o 25 de xuño de 2012. O reitor fai un pormenorizado relato das xestións realizadas despois da recepción do burofax do Ministerio de Hacienda y Administraciones Públicas requirindo a anulación da convocatoria de prazas de profesorado por ser contraria á lexislación (RD 20/2011 de medidas urxentes en materia orzamentaria, financeira e tributaria, e a Lei 2/2012 de Presupuestos Generales del Estado): trámite de audiencia cos afectados, reunión en Madrid (Ministerios de Hacienda e AP e Educación), escrito de alegacións insistindo que non se trataba de prazas de nova creación, resolución reitoral de suspensión cautelar o 20 de agosto, escrito do Ministerio de Hacienda e AP rexeitando as alegacións, nova reunión cos afectados e, finalmente, resolución reitoral de anulación da convocatoria pública (ao parecer, solicitada polos afectados). As prazas quedan creadas (isto é, permanece o acordo do CG de creación das mesmas).
➢ Rankings de Universidades. Distribúese aos membros do CG un informe elaborado pola Vicerreitoría de Responsabilidade Social e Calidade titulado "A posición da USC nos distintos rankings de universidades" (ver "Documentos de interese" na páxina de +IDEAS ou neste enlace).
+IDEAS xa ten manifestado que, se ben é certo que a posición nos diferentes rankings é froito de moitos factores, non todos directamente relacionados directamente coa acción de goberno, observamos unha tendencia preocupante na que á USC perde posicións nas distintas avaliacións. Algo ten que ver con esta tendencia a falta de liderado deste equipo reitoral e a carencia de políticas programáticas precisas en temas clave como campus de excelencia, transferencia e emprendemento, escolas de doutoramento, apoio aos investigadores de excelencia en programas competitivos...
➢ Negociación coa Xunta das prazas de PDI aprobadas no CG do 20-07-2012. O reitor informa das reunións mantidas pola vicerreitora de Titulacións e PDI, acompañada pola Xerenta e/ou a vicerreitora de Economía e Infraestruturas, con representantes da Consellería de Educación, en relación a preceptiva autorización das prazas que require a normativa actual. A primeira reunión tivo lugar o 27 de agosto. Unha nova reunión tivo lugar o día 27 de setembro. En ningunha das reunións e contactos se tivo unha resposta clara da Consellería en ningún sentido. Debido a esta situación de indefinición, o reitor decide enviarlle a documentación ao presidente da Xunta (en agosto) e solicitar (o dia 28/09) unha entrevista persoal con el, da que non ten aínda resposta.
Sobre esta cuestión intervén J. Viaño para solicitarlle ao reitor máis precisión sobre a postura da Consellería e tamén para manifestar o seu acordo con que non se paralizara e se fixera pública a convocatoria sen esperar pola resposta da Xunta, solicitando o mesmo tratamento para as prazas que probablemente aprobemos neste CG (as 13 prazas dos IPP de 2006). A resposta do reitor e da vicerreitora de Titulacións e PDI foi que "por suposto, farase o mesmo".
Reflexión de +IDEAS: Nin á USC nin a Xunta poden xogar a unha indefinición que ten preocupados a decenas de profesores e investigadores da USC.
Informes das vicerreitorías
continúa...martes, 24 de julio de 2012
RESEÑA E VALORACIÓN DO CONSELLO DE GOBERNO DO DÍA 20 XULLO DE 2O12
RESEÑA E VALORACIÓN DO CONSELLO DE GOBERNO
DO DÍA 20 XULLO DE 2O12
Colectivo +IDEAS
Informes do reitor
RD 14/2012
Tense aberto unha canle de comunicación con Ministerio a propósito da aplicación do art. 6.4 do RD 14/2012 relativo á dedicación do profesorado. En sendas reunións celebradas os días 25/06 e 02/07 acordouse a elaboración dunha nota que remitirá o Ministerio, e que debe ser referendada nun RD de próxima publicación, na que se establece que os sexenios serán unha parte mais de avaliación da actividade investigadora, manténdose os límites de 16 e 32 ECTS para a dedicación docente. Os sexenios serán incorporados aos cálculos de dedicación do profesorado da USC para o curso 2012-13.Dimisión de Dna Mercedes Pintos.
O día 27/06 a Profesora Mercedes Pintos solicitou o cese como coordinadora do equipo reitoral. O reitor agradeceulle os servizos prestados.Burofax anunciando recurso prazas de TU.
Da conta do burofax da Dirección General de Costes de Personal y Pensiones Públicas na que anuncia a súa intención de interpoñer recurso contencioso-administrativo contra a convocatoria de 16 prazas de TU, publicada en BOE o día 25/06/2012, en base a que infrinxe a Lei de PGE (Lei 2/2012 BOE do 29 de xuño) por sobrepasar a taxa de reposición do 10% e o RD-Lei 20/2011 que prohibe en 2012 a incorporación de novo persoal.
Suscribirse a:
Entradas (Atom)