NOTA DE PRENSA DE +IDEAS SOBRE O PLAN DE FINANCIAMENTO DO SISTEMA UNIVERSITARIO DE GALICIA

O colectivo +IDEAS quere facer públicas unhas reflexións sobre o novo Plan de Financiamento 2011-15 do SUG. Estes comentarios teñen por obxecto valorar o Plan dende unha perspectiva global e non coinciden coas valoracións que ten transmitido a Xunta de Galicia e que as universidades deben explicar mellor.

consello de goberno 1/12/2010

Valoracións dos temas tratados nas
dúas sesións extraordinarias do CONSELLO DE GOBERNO DA USC
celebradas o día 01-12-2010

Elaborada por representantes de +IDEAS no CG

A información recollida nesta reseña non ten ningunha validez oficial

Temas tratados

1. ADAPTACIÓN Á LOMLOU DA COMPOSICIÓN DAS XUNTAS DE CENTRO

2. ADAPTACIÓN DA COMPOSICIÓN DAS COMISIÓNS DELEGADAS DO CG

3. ELECCIÓN DOS MEMBROS DAS DISTINTAS COMISIÓNS DELEGADAS

4. CONVOCATORIA EXTRAORDINARIA DE INCORPORACIÓN DE DOUTORES CON FORMACIÓN INVESTIGADORA ACREDITADA A GRUPOS DE INVESTIGACIÓN

consello de goberno 16/11/2010

Valoracións dalgúns temas tratados no
CONSELLO DE GOBERNO DA USC
do día 16-11-2010
elaboradas por representantes de +IDEAS no CG

A información recollida nesta reseña non ten ningunha validez oficial

Inclúese nestas valoracións:

1. Informe do reitor
2. Informe da vicerreitora de Economía e Financiamento
3. Informe do vicerreitor de Investigación e Innovación
4. Informe da vicerreitora de Grao e Postgrao
5. Renovación de Comisións do Consello de Goberno
6. Prazas de PDI
7. Bases para a convocatoria de axudas para a escolarización dos nenos menores de 3 anos no Campus de Lugo.
8. Modificación do Manual de Avaliación da Actividade Docente (MAAD)
9. Rogos e Preguntas

COMUNICADO +IDEAS

CONSTITUCIÓN DE +IDEAS
Arredor dun cento de profesores e profesoras de Santiago e Lugo participaron onte (21/10/2010) na constitución dunha nova agrupación universitaria da USC, denominada +IDEAS. Segundo o manifesto fundacional que se aprobou nesa reunión, a nova organización estará aberta a todos os membros da USC que compartan un ideario de progreso, baseado na aposta por unha universidade pública, comprometida coa calidade docente e investigadora, dinamizadora do seu entorno socioeconómico, e disposta abordar os retos do século XXI.
O grupo promotor desta iniciativa está integrado por persoas de diversas idades, cunha grande pluralidade de perfís profesionais e con diferentes formas de entender a política universitaria, pero que comparten un firme compromiso coa universidade. Estas persoas asumen que a USC ten que ser estar na vangarda das universidades españolas, poder competir coas mellores universidades europeas e ser líder na interacción coa sociedade e na procura do progreso e modernización de Galicia.
O novo grupo +IDEAS constituirá grupos de traballo e observatorios de diferentes temas de interés para a universidade. Tamén participará de forma activa e responsable nos órganos de goberno e representación, cun proxecto de mellora e modernización da Universidade de Santiago de Compostela, que permita afrontar as reformas de alcance precisas para adaptarse ás novas necesidades que demanda a sociedade e convertir a USC nunha universidade de referencia a nivel internacional.
Na citada reunión, que se celebrou simultáneamente por videoconferencia en Santiago e Lugo, aprobáronse uns puntos programáticos iniciais, acordouse deseñar un modelo mínimo de funcionamento e organización en cada centro e nomeouse por unanimidade como voceiro nesta primeira etapa ó profesor da Facultade de Matemáticas Enrique Macías Virgós.
+IDEAS invita a participar na posta en marcha deste proxecto novedoso e ilusionante a todas as persoas que compartan o seu ideario.

Contacto: mais.ideas@gmail.com

intervención no claustro do voceiro de +IDEAS (26/10/2010)

Boas tardes,

Son Enrique Macías, da Facultade de Matemáticas.

Vou falar en representación dun novo grupo de claustrais que se chama +IDEAS.

Este grupo de +IDEAS está recén formado, aínda somos un grupo pequeno, pero esperamos ir atraendo a todos os claustrais que non se sinten ben representados nas tendencias organizadas que existen ate hoxe no claustro.

O primeiro é decir que non nacemos para facer oposición, ese non é o noso motivo fundacional. Felicitamos públicamente ao equipo reitoral pola sua elección, e vamos colaborar en todos os temas que nos pareza que acertan, vamos tratar de chegar a posicións comúns en moitos asuntos, e esperamos que eso pase moitas veces, porque a USC necesita o apoio de todos e de todas.

Pero tamén vamos ser críticos cando nos pareza que se equivocan, que non actúan con determinación ou tratan de asfixiar o debate e a participación dos claustrais.

Porque estamos nun momento moi difícil, en que hai que afrontar con decisión moitas reformas, hai que poñer o listón moi alto, porque a Universidade de Santiago non é una universidade do montón, na que chega con ir tirando.

Hai que poñer o listón moi alto, e para eso os responsabeis da universidade teñen que ser entusiastas e eficaces, non chega coas boas intencións.

A Universidade de Santiago comparte moitos problemas coas outras universidades galegas e españolas, en docencia, en investigación, en financiamento, pero tamén ten problemas específicos, porque ten que estar na vangarda e ten que ser un referente internacional.

Ten que liderar a transformación da nosa sociedade, ten que ser una universidade de calidade, comprometida, cunha xestión transparente e profesional, sempre en primeira liña.

Neste sentido é unha pena que se teña perdido a oportunidade de mellorar a visibilidade de Campus Vida. Independentemente do que pense cada ún sobre este asunto, a nós preocúpanos que una inicitaiva na que se invirtíu tanto esforzo poda quedar esvarada en terra de ninguén.

Unha iniciativa como o Campus de Excelencia Internacional require moito tempo, non é cuestión de días nin de meses e convén que este Claustro teña claro se o Reitor está entusiasmado con esta idea ou non. É un tema no que non caben as indefinicións.

Como decía antes, a intención de +IDEAS é que a nosa universidade estea sempre nos primeiros lugares, en prestixio, en calidade, en xestión. O que se espera do equipo reitoral é que fixe as prioridades para que esto sexa posible.

En canto ó plano de financiamento, vostede sabe que temos falado moitas veces deste asunto na Comisión de Asuntos Económicos do Claustro e esperamos que agora poda vostede aproveitar a oportunidade que ten para intervir directamente e conseguir resultados para a universidade de Santiago.

En fin, reitero que o grupo de +IDEAS quere integrar a todas as persoas que pensen que a universidade é rica e complexa, un sitio no que caben todas as ideas, especialmente as ideas novas, no que todos sinten que hai un verdadeiro fluxo de información e que participan de verdade na toma de decisións.