Isidro Parga Pondal e Ramon y Cajal,

Comunicado

En relacion cos investigadores dos colectivos Isidro Parga Pondal e Ramon y Cajal, +IDEAS reitera a sua posición de que a USC debe respeitar os compromisos adquiridos e apostar decididamente por unha politica de captación de talento como xeito de manter unha posición de referencia e de anovar o seu cadro de persoal docente e investigador coas debidas garantías en canto ao nivel académico.

Tras o Claustro da Universidade do pasado dia 14, no que foron rexeitadas a programacion plurianual e as liñas xerais do orzamento,  entendemos que quedou patente que a comunidade universitaria non acepta que se tomaran decisións de alcance, por unha exigua maioria no Consello de Goberno, con respecto á estabilización de investigadores, precipitadas e sen unha autentica discusión e planificación, no marco das cales deben encaixarse as medidas estratéxicas que a USC ten que adoptar na dificil situación na que se atopa.

Facemos un chamamento para que o equipo de goberno da universidade reconsidere esas decisions e estableza vias de dialogo, que eviten situacions irreversibeis,  permitan desbloquear a situacion e garantan as lexitimas aspiracions de promocion de todos os membros do PDI da universidade.

+IDEAS prestará toda a colaboración a unha acción de goberno que estea encamiñada á busca dunha solución.

COMUNICADO DE +IDEAS

O Claustro da USC acordou na sesión do 14 de decembro de 2011 rexeitar tanto a Programación Plurianual 2011-2014 como as Liñas Xerais do Orzamento Económico para 2012, presentadas polo equipo de goberno do Reitor Juan Casares.  

+IDEAS pediu o voto en contra dos dous documentos por medio de dúas emendas á totalidade.

A Programación Plurianual, que debería marcar a acción de goberno durante os próximos anos,  estaba formulada en termos simples, imprecisos e inconcretos e non contiña ningunha acción precisa nin unha temporización das medidas propostas. Trátase dun texto cheo de xeneralidades pero que non define un modelo universitario coherente.  Presentouse ademais con case un ano de retraso e non contemplaba algunhas medidas concretas do  recente Plan Estratéxico, como por exemplo a estabilización de investigadores dos programas de captación de talento (como Ramón y Cajal -RC- e Isidro Parga Pondal-IPP), sobre as que o Claustro se pronunciou de forma clara e maioritaria..

En canto as Liñas Xerais dos Orzamentos carecían dun plan viable para afrontar a delicada situación económica da USC. Con eses presupostos diante non era posible valorar cales ían ser as accións concretas de goberno, as políticas de gasto ou aforro nas distintas áreas de actividade e os obxectivos estratéxicos críticos que permitan á nosa universidade continuar a ser unha institución de referencia.

+IDEAS protestou tamén polo curtísimo tempo dado aos claustrais para preparar as emendas e o feito de que parte da documentación, enviada  fora de prazo e distribuída a toda comunidade universitaria nos días previos, contribúa a xerar enfrontamentos entre colectivos e áreas do coñecemento.
 
Cos resultados das votacións +IDEAS entende que o Claustro non pretende desequilibrar á Universidade senón forzar  a que o equipo reitoral mude o preocupante rumbo que estaba a tomar nos últimos tempos. En definitiva que goberne de cara a universidade e non de costas a ela. Prácticas como o peche imprevisto do exercicio económico que sufrimos recentemente, o regateo incesante nos procedementos, as medidas de despido de persoal tomadas sen planificación nin consenso e a improvisación permanente deben rematar.

O resultado do Claustro esixe que o Goberno da USC recapacite, modifique os modos de gobernar e que conte con toda a comunidade universitaria. Que  presente unha programación plurianual consecuente co Plan Estratéxico e uns orzamentos  cun plan realista de asignación de recursos, de actuacións de aforro basadas en medidas estructurais, de accións imaxinativas para a captación de recursos externos.

A comunidade universitaria pode ter a seguridade de que +IDEAS prestará toda a colaboración a unha acción de goberno que estea encamiñada á busca do consenso e de solucións.

Emenda á totalidade das Liñas Xerais do Orzamento 2012: Intervención do voceiro de +IDEAS

O Claustro rexeitou a Programación Plurianual [77 favor, 100 contra, 13 branco] e as Liñas Xerais do Orzamento [81 favor, 99 contra, 9 branco].

En xaneiro deste ano, o  Claustro aprobou, na discusión das Liñas xerais do Orzamento para 2011, que “as liñas xerais teñen que concretar da forma máis detallada posible, para cada un dos ingresos e gastos, as principais magnitudes, as accións que se financian, os compromisos que se adquiren e as variacións máis significativas respecto ao exercicio anterior”.
Así está escrito. E así o fixo a Sra. Vicerreitora na súa exposición, o que estaría ben se non fose porque eses datos e esa información foron dados a coñecer despois de que se pechara o prazo de presentación de emendas. No texto orixinal, que se mandou en prazo, só había dúas táboas, e inda por riba estaban mal. Eso non é aceptable. Tampouco é aceptable que se teñan dado só tres días para estudar un presuposto de máis de 200 millóns de euros.
Non pode ser que una empresa tan grande como a USC basee a sua actuación económica nun documento de dez páxinas, no que non hai modelo de universidade nen plan económico. Cun documento tan xenérico non hai xeito de saber cómo vai ser a acción de goberno, non se ve por onde van os orzamentos.
Poño un exemplo. Fálase dun aforro de 1,5 millóns de euros no concurso do servizo de limpeza, o que suporía una rebaixa do 35%, pero este aforro non está debidamente xustificado nen sabemos se é realmente posible, máis ben da a impresión que se pon só para cadrar as contas. Esto impide que o Claustro saiba realmente o que se está a aprobar.
Teño que decir que aquí non estamos a tratar de desestabilizar a Universidade nen a que caiga o goberno da USC, senon que tratamos de que mude de rumbo. O peche precipitado do exercicio económico, o regateo nos procedementos, a improvisación,… teñen que rematar.
Queremos que o voto en contra sexa un toque de atención. Que se presenten uns orzamentos serios, pensados, razoados, negociados; que conteñan por exemplo un plan realista de asignación de recursos; un plan de actuacións estratéxicas de aforro; un plan de captación de recursos externos. Cunha verdadeira planificación, como a USC merece.
Gustaríanos votar outra cousa, pero a responsabilidade institucional fai que hoxe sexa obrigado votar en contra.